د تورکیې د دفاعي صنایعو وزیر هالوک ګورګون اعلان وکړ چې د تورکیې په کور دننه ډیزاین شوی او تولید شوی د کښتۍ ضد کروز توغندی اتماجا د اوبو لاندې د ډزو لومړۍ ازموینه بشپړه کړې ده. هغه د چهارشنبې په ورځ په ايکس کې وویل: اتماجا، د نیلي وطن فولادي توره، اوس به خپل هدف د سمندر له لاندې څخه ووهي.
"موږ د نن ورځې د اتماجا د ډزو ازموینې سره د اوبو لاندې د لارښود توغندیو د ډزو وړتیا تایید کړې، چې د نړۍ یوازې څو هیوادونه لري. اتماجا، چې له اوبتل څخه توغول شوی و، په بریالیتوب سره خپل الوتنه بشپړه کړه.
هغه زیاته کړه: "د تورکیې دفاعي صنعت په ځمکه، هوا او سمندر کې د بشپړ خپلواک راتلونکي لپاره مخ په وړاندې روان دی."
اتماجا د ۲۰۰۹ او ۲۰۱۸ کلونو ترمنځ د تورکیې د دفاعي شرکت روکیتسان لخوا ډیزاین شو او په ۲۰۲۱ کال کې د تورکیې د پوځ په لیست کې شامل شو.
دا توغندی د لوړ دقت لرونکي کښتۍ ضد توغندي په توګه ډیزاین شوی و چې د سطحې جګړې عملیاتي اړتیاو پوره کولو لپاره رامینځته شوی او په ګړندي ګزمې کښتیو، فریګیټونو او کارویټونو کې کارول کیدی شي.
د خپل ډزو ازموینې سره، دا وړتیا ترلاسه کړه چې د اوبتلونو (سب میرینونو( څخه وتوغول شي او د اوبو لاندې هدفونه په نښه شي.
