ایران د اسرائیل سره د اوربند نه وروسته خپل ډیری هوايي ډګرونه او هوايي حریم د الوتنو پر مخ پرانیستل .
د ایران دولتي رسنیو د راپور له مخې، ایران تیره میاشت د اسرائیلو سره د شخړې نه ورسته په بشپړه توګه خپل تړلي هوايي ډګرونه او هوايي حریم د اسرائیل سره د اوربند نه وروسته بیرته پرانیستل .
د ایران رسمي خبري اژانس ایرنا د پنجشنبې په ورځ راپور ورکړ چې د تهران مهرآباد او امام خمیني نړیوال هوایي ډګرونه، د شمال، ختیځ، لویدیځ او جنوب نورو هوایي ډګرونو سره یو ځای، اوس فعال دي او د الوتنو لپاره چمتو دي.
چارواکو ویلي چې الوتنې به د سهار له ۵:۰۰ بجو څخه د ماښام تر ۶:۰۰ بجو پورې ترسره شي، خو د اصفهان او تبریز په هوایي ډګرونو کې، چې لا هم د زیربناوو د پرمختګ چارې روانې دي، استثنا شتون لري.
د ایران نیمه رسمي خبري اژانس تسنیم ویلي چې د هېواد هوایي حریم اوس د نړیوالو ترانزیتي الوتنو لپاره د همدې ورځې په رڼا کې خلاص دی.
ایران د جون په ۱۳مه نېټه د اسرائیل هوایي بریدونو نه وروسته د ځوابي بریدونو په خاطر خپل هوایي حریم په بشپړ ډول وتاړه، د دواړو خواوو ترمنځ اوربند د جون په ۲۴مه نافذ شو.
ایران مخکې له دې د خپل ختیځو سیمو هوایي حریم بیا پرانیستی و او د نړیوالو ترانزیتي الوتنو لپاره یې لاسرسی پراخ کړی و، چې د اوربند وروسته یې ترسره کړل.
د الوتنو ګډوډۍ او زیاتېدونکي لګښتونه
په لومړي ځل د کلونو وروسته نړیوال هوایي نقشې په ناڅاپي او ګران بیه ډول بدلون وموند. هوایي شرکتونه اړ شول چې خپلې الوتنې له نوو لارو څخه ترسره کړي، چې دا کار د سفر وخت اوږدولو او د عملیاتو لګښتونو لوړولو لامل شو .
لوی نړیوال هوایي شرکتونو خپلې لارې د منځني ختیځ د پراخو هوایي حریمونو څخه لرې واړولې، ترڅو د پوځي کړکېچونو او په سیمه کې د توغندیو د تبادلې له خطرونو څخه ځان وساتي.
