د ځايي کمونیسټي وسله والې شخړې د پای ته رسولو ملي کاري ځواک چې د حکومت له خوا د بغاوت ضد ځانګړی ځواک دی - د شنبې په ورځ وویل چې دغه امریکایان د اپرېل په ۱۹مه د نیګروس اوکسیډینټل ولایت په توبوسو ساحلي ښارګوټي کې له پوځي ځواکونو سره په یو لړ نښتو کې د 'نوي خلق پوځ'  له ۱۷نورو شکمنو چریکانو سره وژل شوي دي.

د دغو خونړیو نښتو په اړه لومړی راپور د دوشنبې په ورځ ورکړل شو.

یاد ځواک  وژل شوي امریکايي وګړي د لایل پریجولس (Lyle Prijoles) او کای ډانا-رین سورم (Kai Dana-Rene Sorem) په نومونو پېژندلي دي.

د دغه کاري ځواک د معلوماتو له مخې، پریجولس د ۲۰۲۶ کال په مارچ میاشت کې له سورم سره یوځای فلیپین ته راغلی و.

دغه کاري ځواک په ځايي وسله والو نښتو کې د بهرنیو وګړو د ښکېلتیا په اړه اندېښنه څرګنده کړې، د پېښې د احتمالي اغېزو په اړه یې د احتیاط سپارښتنه کړې او په ځینو فعالیتونو یا شبکو کې د ښکېلتیا له امله رامنځته کېدونکو خطرونو ته یې اشاره کړې ده.

یاد ځواک په یوه اعلامیه کې ویلي: "په یوه نښته کې د دوو امریکایانو وژل کېدل باید پر دې ژور فکر کولو ته وهڅوي چې څنګه په ځینو فعالیتونو یا شبکو کې ښکېلتیا کیدای شي په ناڅاپي توګه له خطرناکو شرایطو سره د مخامخ کېدو لامل شي."

د دواړو امریکایانو مړي د هغوی کورنیو ته سپارل شوي دي.

امریکا او فلیپین په جلا جلا توګه د 'نوي خلق پوځ' ډله د یوې ترهګرې ډلې په توګه پېژندلې ده.