د پاکستاني رسنیو د راپور له مخې، دغه بس د بلوچستان له 'شېراني' سیمې څخه تر وتلو وروسته، د خیبر پښتونخوا ایالت د 'دېره اسماعیل خان' په سیمه کې د تګ پر مهال د بریک سیستم د خرابیدو له امله له سړکه لاندې یوې درې ته لوېدلی دی.
سیمه ییزو چارواکو خبر ورکړی چې په دغه پېښه کې د لومړنیو معلوماتو له مخې لږ تر لږه ۴۰ کسان مړه شوي او ۸ نور ټپیان دي.
چارواکو ویلي چې د لټون او ژغورنې ډلې او روغتیايي کارکوونکي د پېښې ځای ته لېږل شوي او د پېښې د اصلي لامل معلومولو لپاره به پلټنې پیل شي.
