د ملي استخباراتو اداره باور لري چې شمالي کوریا اوس د نوي مشر په توګه د کیم جو-آی د ټاکلو مرحلې ته داخله شوې ده.
د جنوبي کوریا استخباراتي ادارې د پنجشنبې په ورځ وویل چې د شمالي کوریا د مشر کیم جونګ اون لور د هغه د ځای ناستې په توګه د ټاکلو په بهیر کې ده.
د سېول مېشت یونهاپ خبري اژانس په وینا، استازو پارک سون-وون او لي سېونګ-کوېن خبریالانو ته وویل: د ملي استخباراتو ادارې (NIS) دا ارزونه د پارلمان د استخباراتو کمېټې ته د تړلو دروازو شاته په یوه معلوماتي غونډه کې شریکه کړه.
لي وویل چې (NIS) باور لري شمالي کوریا اوس هغه پړاو ته رسېدلې چې پکې کیم جو-اې د کیم د ځای ناستې په توګه ټاکل کېږي.
د سویلي کوریا استخباراتي ادارې د ادعا په اړه له پیونګ یانګ څخه سمدستي کوم غبرګون نه دی ورکړل شوی.
د ادارې په وینا، جو-اې په بېلابېلو مراسمو کې ګډون کړی، لکه د کوریا د خلکو د پوځ د بنسټیزې کلیزې مراسم او د «کومسوسان د لمر ماڼۍ» ته د هغې سفر، او داسې نښې هم لیدل شوي چې هغې د ځینو دولتي تګلارو په اړه نظرونه څرګند کړي دي.
استخباراتي ادارې هم وویل چې دا به له نږدې وڅاري چې ایا هغه به د روانې میاشتې په وروستیو کې د ګوند په مهم کانګرس کې ګډون وکړي که نه.
