آمینه اردوغان : کورنۍ د ټولنې د ټولو مهم اصل دی.
د تورکیې د ولسمشر رجب طیب اردوغان مېرمن، امینه اردوغان، د کورنۍ نړیوال فورم په چوکاټ کې د یوې ماښامنۍ غونډې پر مهال وینا وکړه. دغه فورم د کورنۍ او ټولنیزو خدماتو وزارت له خوا تنظیم شوی و.
امینه اردوغان د دې غونډې په اړه د زیاتېدونکي دلچسپۍ یادونه وکړه او ویې ویلʺ زه باور لرم چې زموږ اندېښنې او تشویشونه شریک دي. په نننۍ نړۍ کې، چې د کورنۍ پر وړاندې ګواښونه ډېر شوي، موږ ټول غواړو چې کورنۍ خوندي وساتو.ʺ
هغې باور څرګند کړ چې دا فورم د دې ګډ هدف د ترلاسه کولو لپاره د قوي یووالي لومړی ګام دی.
د تورکیې د ولسمشر اردوغان میرمن آمینه اردوغان د کورنۍ په اړه د ټولنې تر ټولو بنسټیزه برخه په توګه خبرې کولې، ټینګار وکړ چې کورنۍ د ارزښتونو، امنیت او ملي هویت سرچینه ده. هغې وویل: لکه څنګه چې موږ د ګل یوه څانګه په اوبو کې ایږدو څو وده وکړي، کورنۍ هغه لرغونې اوبه دي چې د تمدن میراث پکې ریښې غځوي.
آمینه اردوغان د کورنۍ دودیز جوړښتونو د کمزوري کېدو په اړه د نړیوالو ګواښونو خبرداری ورکړ او ویې ویل چې دا هڅې د ماشومانو ذهنونه په نښه کوي ترڅو زمونږ د کورنیو دننه خپل ځای ونیسي.
هغې له حکومتونو وغوښتل چې د کورنۍ د ساتنې لپاره خپلې پالیسۍ پیاوړې کړي او ټینګار یې وکړ کورنۍ د نړۍ د ټولنو ګډ ارزښت دی او په ټولو دینونو کې یو سپېڅلی عنصر دی.
ترکیه د ۲۰۲۵ کال د کورنۍ کال اعلانوي
امینه اردوغان د ۲۰۲۵ کال د کورنۍ کال په توګه اعلان وکړ او د کورنۍ د یووالي د پیاوړتیا لپاره د تورکیې نوښتونه یاد کړل، چې پکې د واده او ماشومانو ملاتړ، د پالنې پروګرامونه، او د رضاکار زړونه پروژه شامل دي، چې د یونیسف له خوا ستایل شوې ده.
هغې د تورکیې د ژورو کلتوري ارزښتونو په اړه خبرې وکړې او ویې ویل: د تورکیې د کلتور روح هغه پراخه کورنۍ ده چې نسلونه پکې یو ځای ژوند کوي.
هغې د هارورډ پوهنتون یوې څېړنې ته اشاره وکړه او زیاته یې کړه: د انساني خوښۍ راز په دې کې دی چې قوي او دوامدارې اړیکې جوړې کړو.
امینه اردوغان د نړیوال کړکېچ په اړه د خبرو پر مهال، وویل د ۲۰۲۳ کال د اکتوبر له ۷مې راهیسې، په فلسطین کې له ۲۰۰۰ څخه ډېرې کورنۍ په بشپړ ډول له منځه تللې دي.
هغې له نړیوالې ټولنې وغوښتل چې دغه کړکېچ له پامه ونه غورځوي.
د کورنۍ او سیارې لپاره ژمنې
د دې پروګرام په ترڅ کې، د ۱۵ هېوادونو استازو د د صفر کثافاتو نړیواله اعلامیه لاسلیک کړه، چې په لومړي ځل د ملګرو ملتونو د ۷۸مې عمومي غونډې پر مهال وړاندې شوې وه. د فلسطین، نایجیریا، سینیګال، مالیزیا، قرغزستان او نورو هېوادونو وزیرانو او لوړپوړو چارواکو په دې ژمنه کې ګډون وکړ.
د کورنۍ او ټولنیزو خدماتو وزیرې، ماه نور اوزدیمیر ګوکتاش، امینه اردوغان ته د کورنۍ د ونې یوه انځور ډالۍ کړ ترڅو دا مناسبت ولمانځي.
وروسته، امینه اردوغان په ټولنیزو رسنیو کې یوه پیغام خپور کړ او ویې ویل: کورنۍ د انسانیت تر ټولو قدیمي، لرغونی او ارزښتناکه خزانه ده. د دې باور سره، زه خوښه وم چې د کورنۍ نړیوال فورم د ماښامنۍ غونډې په ترڅ کې ګډون وکړم.
د کورنۍ نړیوال فورم د پنجشنبې په ورځ په استانبول کې د ۲۷ هېوادونو د وزیرانو په ګډون پیل شو.
دا دوه ورځنی پروګرام د زموږ کورنۍ، زموږ راتلونکی تر عنوان لاندې ترسره کېږي، چې د تورکیې د کورنۍ او ټولنیزو خدماتو وزارت په سرپرستۍ د ۲۰۲۵ کال د کورنۍ کال د نوښت یوه برخه ده.
تمه کېږي چې د تورکیې ولسمشر رجب طیب اردوغان به د دې غونډې د پای وینا وکړي.
