په غزه کې یو تن ۳۵ کلن معیوب ځوان د لوږې له امله ژوند د لاسه ورکړ
ملګري ملتونه "نن ورځ، اسرائیل چې میلیونونه خلک يي په لوږې محکوم کړي او ماشومان په قصدي ډول په ډزو او بمباریو وژني، د یو زیات شمیر سترو ډیموکراتیکو هیوادونو او دیکتاتورانو لخوا يي ملاتړ کیږي.
په غزه کې له لوږې له امله د یو تن ۳۵ کلن معیبوب ځوان د ژوند د لاسه ورکولو سره سم د ملګروملتونو ځانګړې راپور ورکوونکې فرانسسکا البانیز په غزه کې د بشري وضعیت په اړه خبرداری ورکړ. هغه په سیمه کې وضعیت په جدي توګه اندیښونکی وباله او خبرداری ورکړ چې کیدای شي ډیر زیات خلک له لوږې ژوند د لاسه ورکړي.
البانیز په خپل X ټولنیزو رسنیو حساب کې لیکلي: "زمونږ نسل ته درس ورکړل شوی و چې نازیزم ترټولو لوی شر دی؛ او په حقیقت کې هم همداسې وو، خو د استعمار جنایات باید له پامه ونه غورځول شي."
"نن ورځ، اسرائیل چې میلیونونه خلک يي په لوږې محکوم کړي او ماشومان په قصدي ډول په ډزو او بمباریو وژني، د یو زیات شمیر سترو ډیموکراتیکو هیوادونو او دیکتاتورانو لخوا يي ملاتړ کیږي. دا هیواد نن ورځ د ظلم په یو نوي سمبول ګرځیدلی دی."
البانیز وپوښتل: "موږ څنګه کولی شو له دې څخه ژوندي پاتې شو؟"
د رسنیو د راپورونو له مخې، محمد الصوافري، یو ۳۵ کلن معلول فلسطیني وګړی، د غزې په الاحلي روغتون کې د لوږې له امله مړ شو. د غزې د روغتیا وزارت ویلي چې د لارو تړلو راهیسې د ۷۶ ماشومانو په ګډون لږ تر لږه ۸۶ کسان د لوږې او خوارځواکۍ له امله مړه شوي دي.
فلسطیني چارواکو ویلي چې د لارو تړلو او د بشري مرستو مخنیوي د قحطۍ خطر زیات کړی دی.