په هند کې د پنجاب شمالي ایالت پولیسو سلګونه کروندګر نیولي او د دوی لنډمهاله کمپونه یې په هغه سرحدي سیمه کې د بلدوزرونو په وسیله ړنګ کړي، چیرې چې دوی د یو کال څخه زیات د خپلو حاصلاتو لپاره د ښه قیمت غوښتنه کوله.

کروندګرو د تیرې فبرورۍ راهیسې د هریانا سره په سرحد کې کمپونه جوړ کړي وو، کله چې امنیتي ځواکونو د دوی د نوي ډیلي پر لور د لاریون مخه ونیوله ترڅو د کرنیزو حاصلاتو لپاره د قانوني ملاتړ غوښتنه وکړي.

د پولیسو یوه لوړ پوړي افسر نانک سینګ د چهارشنبې د شپې د تصفیې د عملیاتو په اړه ANI خبري اژانس ته وویل: " موږ ته د زور کارولو اړتیا نه وه ځکه چې هیڅ مقاومت شتون نه درلود."

هغه زیاته کړه: "کروندګرو ښه همکاري وکړه او خپله په بسونو کې کښېناستل." هغه وویل چې کروندګرو ته مخکې له مخکې خبر ورکړل شوی و.

د تلویزیون انځورونه ښیي چې پولیس د بلدوزرونو په وسیله خیمې او سټېجونه ړنګوي، په داسې حال کې چې کروندګر د خپلو شخصي وسايلو سره موټرو ته انتقالیږي.

رسنۍ وایي چې د نیول شویو کسانو په منځ کې د کروندګرو مشران سرون سینګ پندهیر او جگجیت سینګ دلیوال هم شامل دي، چې وروسته په امبولانس کې وړل شوی ځکه چې هغه د څو میاشتو راهیسې په نه ختمیدونکي اعتصاب کې و.

د کروندګرو ډلې بهارتيه کیسان یونین ویاند، راکیش ټیکایټ، په ایکس کې وویل: "له یوې خوا حکومت د کروندګرو سازمانونو سره خبرې کوي او له بلې خوا یې نیسي."

'نیونې خبرې اترې او ګډوډوي'

د پنجاب واکمن عام آدمي ګوند (AAP)، چې د ایستلو اجازه یې ورکړې وه، وویل چې دوی د کروندګرو د غوښتنو ملاتړ کوي، خو له هغوی یې وغوښتل چې خپلې ستونزې د مرکزي حکومت سره شریکې کړي.

د ګوند مرستیال رئیس، ترونپریت سینګ سوند، وویل: "راځئ چې د پنجاب د خوندي ګټو لپاره یو ځای کار وکړو." هغه زیاته کړه چې د مهمو سړکونو بندیدو د ایالت اقتصاد ته زیان رسولی. "د لویو لارو بندول حل نه دی."

د لومړي وزیر نریندرا مودي حکومت په ۲۰۲۱ کال کې د کروندګرو د یو کلن احتجاج وروسته مجبور شو چې ځینې کرنیز قوانین لغوه کړي، کله چې هغوی د میاشتو لپاره د ډیلي بهر کمپونه جوړ کړي وو.

د مرکزي حکومت چارواکو د چهارشنبې په ورځ د کروندګرو له مشرانو سره ولیدل، د مودي د بهارتيه جناتا ګوند (BJP) په پنجاب کې مرستیال رئیس، فتح جنگ سینګ باجوه، وویل.

هغه په ​​ ايکس کې په یوه پوسټ کې زیاته کړه: "دا څرګنده ده چې دا نیول د بزګرانو او د بي جي پي مشرتابه ترمنځ د روانو خبرو اترو د ګډوډولو لپاره یوه قصدي هڅه ده."