د تورکیې ولسمشر رجب طیب اردوغان د ملګروملتونو ۸۰ عمومي اسامبلې ته په وینا کې د افغانستان او افغانانو سره د مرستې او ملاتړ ته یادونه وکړه.
ولسمشر اردوغان د ملګروملتونو عمومي اسامبلې ته په وینا کې د فلسطین ، سوریې ، لبنان ، یمن او په قطر باندې د اسرائیلو له وحشیانه او ظالمانه بریدونو نه یادونه وکړه.
همداشان هغه په خپله وینا کې د افغانستان او افغانانو نه د ملاتړ په اړه هم ټینګار وکړ.
ولسمشر اردوغان وویل چې د دوستو او ورونو هیوادونو هوساینه او پیاوړتیا زمونږ یوازینۍ هیله ده.
هغه وویل چې په افغانستان کې هر اړخیز او ټولشموله حکومت زمونږ غوښتنه او هیله ده.
هغه وویل چې نړۍواله ټوله باید د افغانانو سره بیرته په خپلو خپو د دریدو او بیاجوړونې په برخه کې یوازې پرینږدي.
مونږ د تورکیې او تورک ملت په توګه تل د خپل دوست او ورور هیواد افغانستان او افغان ولس نه ملاتړ او ددوې ترڅنګ دریدو دوام ورکوو.
