اسرائیلو په تهران کې د امام حسین پر پوهنتون برید وکړ.

اسرائیلو په تهران کې د امام حسین پر پوهنتون برید وکړ.

د انادولو خبري اژانس د راپور له مخې د اسرائیلو ځواکونو د ایران په پلازمېنه تهران کې د امام حسین پوهنتون باندې برید کړی دی.

دغه پوهنتون د ایران د سپاه پاسداران انقلاب سره تړاو لري.

د چهارشنبې په ورځ د برید وروسته، له سیمې څخه د لوګو د پورته کیدو راپورونه ورکړل شول.

سیمه ییزې ترینګلتیاوې له هغې وروسته زیاتې شوې کله چې اسرائیلو د جمعې په ورځ په ایران کې په بېلابېلو ځایونو، په شمول د نظامي او اټومي تاسیساتو، هوايي بریدونه وکړل، چې د  تهران یې د ځوابي بریدونو لامل شو.

د اسرائیلو چارواکو ویلي چې د ایران د توغندیزو بریدونو له امله لږ تر لږه ۲۴ کسان وژل شوي او سلګونه نور ټپیان شوي دي.

ایران ویلي چې د اسرائیلو په بریدونو کې لږ تر لږه ۲۲۴ کسان وژل شوي او له ۱۰۰۰ څخه زیات ټپیان شوي دي.

خو د بشري حقونو یوې ډلې د چهارشنبې په ورځ ویلي چې د اسرائیلو بریدونو په ټول ایران کې لږ تر لږه ۵۸۵ کسان وژلي او ۱۳۲۶ نور یې ټپیان کړي دي.

په واشنګټن کې مېشت د بشري حقونو فعالانو ډلې ویلي چې د وژل شویو کسانو له ډلې څخه یې ۲۳۹ ملکي وګړي او ۱۲۶ امنیتي پرسونل پېژندلي دي.