په غزه کې د تېر اکتوبر له میاشتې راهیسې اوربند نافذ دی، خو اسرائیل هره ورځ پر غزې بریدونو ته دوام ورکوي.
یو روغتون خبر ورکړی چې د یکشنبې په ورځ د غزې په مرکزي برخه کې د سهار له سپېدې مخکې د اسرائیلو په هوایي برید کې د یوې فلسطینۍ کورنۍ درې غړي، چې یو کلن ماشوم هم پکې شامل دی، وژل شوي دي.
غزه لا هم د اسرائیلو د ورځنیو بریدونو لاندې ده، سره له دې چې له اکتوبر میاشتې راهیسې رسمي اوربند شتون لري، خو اسرائیل د دغه اوربند سرغړونې ته دوام ورکوي.
په "دیر البلح" کې د الاقصی شهدا روغتون ویلي چې دوی ته د یوې جوړې (ښځه او مېړه) او د هغوی د یو کلن ماشوم جسدونه وروسته له هغه وروړل شول چې د اسرائیلو یو برید د "نصیرات" په کمپ کې د استوګنې پر یوه اپارتمان وشو. روغتون ویلي چې په دې پېښه کې شاوخوا ۱۰ نور کسان ټپیان شوي دي.
د اسرائیلو پوځ تر اوسه په دې اړه سمدستي څه نه دي ویلي.
د غزې د روغتیا وزارت په وینا، د اکتوبر د ۱۰مې له اوربند راهیسې لږ تر لږه ۸۹۰ فلسطینیان وژل شوي دي؛ دا هغه ارقام دي چې ملګري ملتونه یې باوري بولي. د اسراییلو پوځ وایي چې په همدې موده کې یې پنځه سرتېري وژل شوي دي.
د ۲۰۲۳ کال له اکتوبر راهیسې په خپلې نسل وژونکې جګړه کې، اسرائیلو له ۷۲،۰۰۰ څخه ډېر فلسطینیان (چې ډېری یې ښځې او ماشومان دي) وژلي، تر ۱۷۲،۰۰۰ ډېر نور یې ټپیان کړي او ۹۰ سلنه ملکي زیربناوې یې ویجاړې کړې دي.
