سرچینې وايي، ولسمشر اردوغان به په آستانه کې د دوه اړخیزو همکاریو د پیاوړتیا په اړه په لوړه کچه خبرو اترو کې هم برخه واخلي.
ډیپلوماټیکو سرچینو ویلي چې د تورکیې ولسمشر رجب طیب اردوغان د ترکي هېوادونو په سرمشریزه کې د ګډون او په پلازمېنه (آستانه) کې د لوړ پوړو خبرو اترو لپاره قزاقستان ته روان شوی دی.
د قزاقستان د ولسمشر "قاسم جومارت توکایف" په بلنه، تمه کیږي چې اردوغان د ترکستان په ښار کې د ترکي هېوادونو د سازمان په غیر رسمي سرمشریزه کې او همدارنګه په یوې ناسته کې چې سرلیک یې "آستانه-انقره: له ورورولۍ څخه تر یوه عملي یوریشیايي اتحاد پورې" دی، برخه واخلي. د دې لیدنو هدف د دواړو هېوادونو ترمنځ د دوه اړخیزو همکاریو لا زیات پیاوړي کول دي.
په دې سفر کې له ولسمشر اردوغان سره د هغه مېرمن آمنه اردوغان، د بهرنیو چارو وزیر هاکان فیدان، د ملي ښوونې او روزنې وزیر یوسف ټیکین، د ملي دفاع وزیر یاشار ګولر او د صنعت او ټیکنالوژۍ وزیر محمد فاتح کاجیر ملتیا کوي.
همدارنګه د سوداګرۍ وزیر عمر بولات، د عدالت او پراختیا (AK) ګوند مرستیال کورشاد زورلو، د عامه اړیکو رئیس برهان الدین دوران او د بهرني سیاست او امنیت په چارو کې د ولسمشر لوی سلاکار عاکف چاغاتای کیلیچ هم په دغه پلاوي کې شامل دي.
