"د تورکیې د دفاع وزارت وايي چې د سیمه ییز کړکېچ په زیاتېدو سره به د خپلې خاورې په وړاندې هر ډول ګواښ ته غوڅ ځواب ورکړي.
تورکیې د جمعې په ورځ وویل چې له ایران څخه توغول شوي بالستیک مهمات چې د دغه هېواد فضا ته داخل شوي وو، «په ختیځه مدیترانه کې د ناټو د هوايي او توغندیزې دفاعي وسایلو له خوا شنډ شوي دي.» د دفاع وزارت په وینا، دا په یوه اونۍ کې درېیمه ورته پېښه ده.
د تورکیې د دفاع وزارت په یوه رسمي اعلامیه کې ویلي: «زموږ د هېواد د خاورې او هوايي فضا په وړاندې د هر ډول ګواښ پر وړاندې ټول اړین اقدامات په پرېکنده ډول او پرته له ځنډه ترسره کیږي. له اړوند هېواد (ایران) سره مشورې روانې دي ترڅو د پېښې ټول اړخونه روښانه شي.»
وړاندیز شوي
اعلامیه زیاتوي: «په سیمه کې ټول پرمختګونه له نږدې څارل کیږي او ملي امنیت ته په لومړیتوب ورکولو سره یې ارزونه کیږي.»"
