"د دې پرانیستې سره، هند د جرمني، جاپان، چین او امریکا په څېر هېوادونو له ډلې سره یوځای شو چې په هایډروجن چلېدونکي اورګاډي ازمویي یا یې چلوي.

هند د جمعې په ورځ خپل لومړی په هایډروجن چلېدونکی اورګاډی پرانیسته. دا د نړۍ د یوې ترټولو لویې رېل پټلۍ شبکې د عصري کولو او د کاربن د اخراج کمولو په موخه د دغه هېواد د هڅو یوه برخه ده.

دغه ۱۰ واګون لرونکی اورګاډی د هند په شمالي ایالت هریانه کې د جینډ  او سونیپټ  ترمنځ پر ۸۹ کیلومتره (۵۵ مایله) اوږده پټلۍ چلېږي. دا اورګاډی د ۱۲۰۰ کیلو واټه هایډروجن سون توکو حجرې  په سیسټم سمبال دی، چې چارواکي یې د نړۍ ترټولو پیاوړی سیسټم بولي.

هایډروجن اورګاډي د هایډروجن او اکسیجن په یوځای کولو سره برېښنا تولیدوي او یوازې د اوبو بخار خارجوي، چې چاپېریال ته زیان نه رسوي.

لومړي وزیر نریندرا مودي، چې د دغه اورګاډي لومړنی سفر یې د بیرغ په ښورولو سره پیل کړ، په ټولنیزو رسنیو کې ولیکل: 'دا د پر ځان بسیا هند او تلپاتې پرمختګ په لور یوه ډېره مهمه ورځ ده.'

هندي پادریانو په جینډ ښار کې د اورګاډي له حرکت مخکې ځانګړي مذهبي مراسم هم ترسره کړل.

ازمایښتي پروژه

د رېل پټلۍ وزارت ویلي چې دا اورګاډی په بشپړ ډول 'په هند کې جوړ شوی'، خو ځینو چارواکو ویلي چې ځینې مهمې برخې یې لکه د تېلو حجرې (له بهر څخه راوړل شوي دي.

وزارت همداراز په جینډ کې د هایډروجن ذخیره کولو او د تېلو اچولو ترټولو لوی مرکز هم پرانیست چې د ۳۰۰۰ کیلوګرامه هایډروجن ظرفیت لري. د دغې ازمایښتي پروژې لګښت شاوخوا ۱۲ میلیونه ډالره دی. که څه هم دا د عادي اورګاډو په پرتله ګران دي، خو چارواکي تمه لري چې د ټکنالوژۍ په عام کېدو سره به یې بیې راټیټې شي.

یو لوی بدلون

د هند رېل پټلۍ له ۱۸۵۳ کال راهیسې، کله چې لومړنی مسافر وړونکی بخاري اورګاډی له ممبۍ څخه حرکت وکړ، تر اوسه لوی بدلونونه لیدلي دي. په وروستیو کلونو کې نوي ډیلي د زیربناوو پر عصري کولو او خوندیتوب ملیاردونه ډالره پانګونه کړې ده.

رسمي ارقام ښيي چې د دغې شبکې له لارې تېر کال ۷.۴۱ ملیارده مسافر او ۱.۶۷ ملیارده ټنه بار وړل شوی دی. هند همداراز خپل 'واندې بهارت' (Vande Bharat) اورګاډي معرفي کړي چې په ساعت کې ۱۸۰ کیلومتره تګ کولی شي، او اوسمهال د جاپاني ټکنالوژۍ په مرسته د خپلې لومړۍ چټکې (Bullet Train) پټلۍ پر جوړولو کار کوي چې په ۲۰۲۷ کال کې به یې لومړۍ برخه فعاله شي."