د امریکا متحده ایالتونو د استخدام د راپور د اعلان نه وروسته چې ټوله نړۍ مایوسه کړې ده او د اندیښنو او ناڅرګندۍ لامل ګرځیدلی دی د نړۍ د ونډو د بازارونو بیې د پام وړ راټیټې کړې. دا پرمختګ پداسې حال کې رامنځته کیږي چې د امریکا ولسمشر ډونالډ ټرمپ د نړۍ په لسګونو هیوادونو د نوو ګمرکي تعرفو د وضع کولو سره سم رامنځته شوی دی.
د امریکا لوی شاخصونه د ورځې په پای کې له ۱.۲ سلنې څخه زیات راولوېدل، په داسې حال کې چې د پاریس او فرانکفورت بازارونه نږدې درې سلنه خپل ارزښت د لاسه ورکړل .
په آسیا او اروپا کې هم زیانونه د پام وړ لوړ دي، او د تېلو بیې د کمزوري غوښتنې د وېرې له امله په ښکته روانې شوې.
د امریکا د کار وزارت راپور ورکړ چې په جولای میاشت کې یوازې ۷۳,۰۰۰ نوې دندې رامنځته شوې، چې د تمې څخه ډېرې کمې وې.
د بېکارۍ کچه لږ څه لوړه شوه او له ۴.۱ سلنې څخه ۴.۲ سلنې ته ورسېده.
سربېره پر دې، د مې او جون د میاشتې د دندو شمېر هم د ۲۶۰,۰۰۰ په اندازه کم شوی و.
کارپوهانو وویل چې بازارونه د څو اونیو د ریکارډ لوړوالي وروسته د پلور لپاره د یوې پلمې په لټه کې وو.
په همدې حال کې، د ټرمپ د تعرفې زیاتوالی چې له ډېر وخت راهیسې یې اشاره ورکړې وه، عملي شو.
د پنجشنبې په ماښام، هغه اعلان وکړ چې په لسګونو سوداګریز شریکان چې اروپایي اتحادیه هم پکې شامله ده به د ۱۰ څخه تر ۴۱ سلنې پورې د نوو تعرفو سره مخ شي.
خو سپینې ماڼۍ وویل چې تعرفې به تر اګست ۷ پورې عملي نه شي، ترڅو هېوادونه د امریکا سره دوه اړخیزې معاملې وکړي.
ځینې هېوادونه لکه برتانیا، اروپایي اتحادیه، جاپان، او جنوبي کوریا لا دمخه د هر اړخیزو تړونونو په ترلاسه کولو بریالي شوي دي.
د چین سره خبرې لا هم روانې دي، په داسې حال کې چې د یو نازک سوداګریز اوربند نیټه د اګست ۱۲ ته نږدې کېږي.
