په دې خپرونه کې موږ زموږ په دفاعي صنعت کې د فتح الله ګولن ترهګریزې ډلې د نفوذ او سبوتاژ هڅې، او د دې خنډونو له منځه وړلو وروسته په تېرو ۱۰ کلونو کې د ترکیې د دفاعي صنعت تاریخي پرمختګ او تحرک تر بحث لاندې نیسو.
د جولای د ۱۵مې د کودتا له هڅې څخه ۱۰ کاله تېر شول. فتح الله ګولن ترهګریزې ډلې ، لکه د هیواد د نورو ډېرو حساسو ادارو په څېر، هڅه وکړه چې د دفاعي صنعت په ډګر کې هم له بېلابېلو لارو نفوذ وکړي او د ترکیې دفاعي وړتیاوې کمزورې کړي.
خو پوښتنه دا ده چې دغې ډلې په کومو لارو دفاعي صنعت سبوتاژ کړ؟ حیاتي پروژې او بنسټونه یې څنګه اغېزمن کړل؟ او د دې هڅو پایلې د ترکیې پر دفاعي ظرفیت څه وې؟
له دولتي ادارو څخه د ګولن ترهګرې ډلې له تصفیې وروسته، د تورکیې دفاعي صنعت په کورنیو او ملي پروژو کې خورا لویه چټکتیا ولیده چې د هیواد پر امنیتي پالیسیو یې خورا مثبتې اغېزې وکړې. د دې لړۍ په دې برخه کې، موږ په ځانګړې توګه په تېرو ۱۰ کلونو کې د تورکیې د دفاعي صنعت پر پرمختګ خبرې کوو. زموږ مېلمه د دفاعي صنعت د پالیسیو متخصص "اردا مولود اوغلو" دی.
