کاناډا د امریکا د احتمالي یرغل پر ضد د جګړې لپاره پوځي پلان جوړوي.

کاناډا د امریکا د احتمالي یرغل پر ضد د جګړې لپاره پوځي پلان جوړوي.

دا اقدام د یوې پیړۍ څخه په زیاته موده کې لومړی ځل دی چې کاناډا په رسمي ډول د خپل جنوبي ګاونډي سره د شخړې سناریو وړاندې کوي.

د کاناډا فدرالي چارواکو د سه شنبې په ورځ وویل چې کاناډا د احتمالي امریکایي یرغل په وړاندې د مقابلې لپاره یو پوځي پلان جوړوي.

د ګلوب او مېل د راپور له مخې، دا ګام له یوې پېړۍ څخه په زیاته موده کې لومړی ځل دی چې کاناډا په رسمي ډول له خپل جنوبي ګاونډي سره د شخړې بڼه ماډل کوي.

دا د غبرګون پلان وروسته له هغې مخې ته راغی چې د امریکا ولسمشر ډونالډ ټرمپ د سې‌ شنبې په ورځ پر خپل ټروت سوشیل شبکې د امریکا بیرغ یو پاروونکې انځورنه خپور کړ چې کاناډا او ګرینلنډ یې تر خپل پوښښ لاندې ښودلي وو.

چارواکو ګلوب او مېل ته وویل چې کاناډا د دې توان نه لري چې د امریکا له خوا د یوه بشپړ پوځي برید پر وړاندې مقابله وکړي، نو ځکه په دغه پلان کې وړاندیز شوی چې د پوځ د پرسونل او وګړو کوچنۍ ډلې دې له غیر دودیز لارو غبرګون وښيي.

دغه چارواکي ځکه نومول شوي نه دي چې دوی ته د دې پلان په اړه د خبرو اجازه نه وه ورکړل شوې.

په دې سناریو کې اټکل شوی چې دا ډلې به د امریکايي یرغلګرو پر وړاندې کمینونه، بې ‌پیلوټه الوتکې او تخریبي کړنې وکاروي. دا تکتیکونه څو لسیزې وړاندې د افغان طالبانو له خوا د روسانو پر ضد کارول شوي وو او بیا شاوخوا ۲۰ کاله وړاندې د امریکا ځواکونو او د هغوی د متحدینو پر ضد هم وکارول شول.

'خلک پروا لري چې له کاناډا سره څه پیښیږي'

چارواکو وویل چې کاناډا به د امریکا له لوري په مهمو پوځي سیمو کې د دوو ورځو څخه تر یوې اوونۍ پورې موده کې تر سخت فشار لاندې راشي.

هغوی وویل چې د امریکا پوځي برید ډېر احتمال نه لري، خو فدرالي حکومت د یرغل د تر ټولو بد حالت سناریو لپاره چمتووالی نیسي.

د کاناډا د دفاعي ځواکونو مشرې جنرال جېني کاریګن په رسمي ډول ویلي چې غواړي د ۴۰۰ زره کسیز احتیاطي رضاکار ځواک جوړ کړي.

چارواکو وویل چې کاناډا تمه لري چې د اټومي وسلو لرونکي هېوادونه لکه فرانسه او بریتانیا به د یرغل په صورت کې د کاناډا مرستې ته راودانګي. دا درې واړه د ناټو غړي دي، لکه امریکا.

متقاعد جنرال ډېوېډ فریزر، چې په افغانستان کې یې د کاناډايي ځواکونو مشري کړې وه، یوې ورځپاڼې ته وویل: «تاسو پوهېږئ، که پر کاناډا برید وکړئ، نو ټوله نړۍ به ستاسو پر ضد راپاڅي، حتی تر ګرینلنډ هم زیات.»

هغه زیاته کړه: «خلک پر دې پاملرنه کوي چې له کاناډا سره څه کېږي، د وینزویلا برعکس.»

«تاسو کېدای شي په رښتیا هم په کاناډا کې د جرمني بېړۍ او د بریتانیا الوتکې ووینئ چې د دغه هېواد د حاکمیت د پیاوړتیا لپاره راځي.»