د هند په لوېدیځ کې د یوې شخصي الوتکې د لوېدو له امله د مهاراشترا ایالت مرستیال لومړي وزیر په ګډون ۵ تنو ژوند د لاسه ورکړی دی.
د هند لومړي وزیر نریندرا مودي وویل چې د مهاراشترا ایالت د مرستیال لومړي وزیر اجیت پوار مړینه په یوه حادثه کې "ټکان ورکوونکې او غمجنه" ده، ځکه چې چارواکي راپور ورکوي چې هیڅوک ژوندي نه دي پاتې شوي.
چارواکو وویل چې د هند د لویدیځ ایالت مهاراشترا ایالت مرستیال لومړی وزیر وزیر د چهارشنبې په سهار د یوې شخصي الوتکې د لوېدو په پېښه کې ووژل شو.
د ال انډیا دولتي راډیو د خبر له مخې الوتکه د مهاراشترا ایالت مرستیال لومړی وزیر او نور کسان پکې سپاره ول د مهاراشترا په بارامتي ښار کې وغورځېده.
د پاوار تر څنګ، په الوتکه کې څلور نور کسان هم سپاره وو چې پکې دوه د عملې غړي شامل وو، او د لومړنیو معلوماتو له مخې، هېڅ څوک ژوندي نه دي پاتې شوي.
د هند لومړي وزیر نرېندرا مودي وویل چې د پاوار «مړینه ډېر ټکان ورکوونکې او خواشینوونکې ده».
مودي پر ایکس په خپور کړي د خواخوږۍ په پيغام کې ویلي دي چې « اجیت پوار د مهاراشترا د خلکو د خدمت په مخکښه کرښه کې د یو سخت کاره شخصیت په توګه په پراخه کچه د محبوبیت نه برښمند وو … د هغه کورنۍ او بې شمېره مینه والو ته د خواخوږۍ مراتب وړاندې کوم.»
هغه وویل چې د هغه «فکر له هغو ټولو سره دي چې په دې پېښه کې یې خپل عزیزان له لاسه ورکړي دي.»
رسنیو وویل چې د پاوار الوتکه، چې د هند له ممبۍ ښار څخه روانه وه، هڅه یې کوله چې د ایالت په بارامتي ښار کې بیړنۍ ناسته وکړي.
