د افغانستان د بهرنیو چارو وزارت ویاند، عبدالقهار بلخي، وویل چې باربي او پيټر رینولډز د افغانستان قوانین تر پښو لاندې کړي وو او "نن د عدلي بهیر وروسته له زندان څخه خوشې شول."
یوه زړه برېتانیوی جوړه چې څو میاشتې مخکې نیول شوي وو د طالبانو د حکومت له خوا د جمعې په ورځ خوشې شوه.
د افغانستان د بهرنیو چارو وزارت ویاند عبدالقهار بلخي وویل چې ۷۶ کلنه باربي رینولډز او ۸۰ کلن پيټر رینولډز د افغانستان قوانین تر پښو لاندې کړي وو او "نن د عدلي بهیر د بشپړیدو وروسته له زندان څخه خوشې شول."
دغه جوړه د روان کال د فبرورۍ په میاشت کې هغه مهال ونیول شوه کله چې هغوی خپل کور ته ستنېدل.
بلخي ټینګار وکړ چې د بندیانو موضوع باید سیاسي نه شي او له قطر یې د "صادقانه هڅو او د منځګړیتوب د اسانتیا" مننه وکړه.
موقتي ادارې دغه برېتانویان ریچارډ لینډسي، چې د افغانستان لپاره د انګلستان ځانګړی استازی دی، ته وسپارل، چې له هغه سره د قطر یوه پلاوي ملتیا کوله.
