د تورکیې ولسمشر په منځني ختیځ کې د بریدونو پراخېدل وغندل او د بشري او مذهبي کړکېچونو د زیاتېدو خبرداری یې ورکړ.

د تورکیې ولسمشر رجب طیب اردوغان وویل چې اسرائیل منځنی ختیځ د یوې پراخې بحران خوا ته بیايي. هغه خبرداری ورکړ چې د اسرائیلو مشرتابه د برترۍ (غوره والي) په احساس سره په ټوله سیمه کې پوځي عملیات پراخوي.

اردوغان د سه شنبې په ورځ په انقره کې د روژه ماتي (افطار) په یوې غونډه کې د وینا پر مهال، وویل چې د اسرائیلو اقدامات  له غزې تر یمن، لبنان او په دې وروستیو کې ایران پورې له امنیتي اندېښنو هاخوا دي او سیمه د ژورې بې ثباتۍ له خطر سره مخ کوي.

هغه وویل: "اسرائیل د یوې داسې شبکې لخوا رهبري کېږي چې ځان له نورو غوره ګڼي او سیمه ګام په ګام د تباهۍ په لور بیايي."

نوموړي زیاته کړه: "بې ګناه ماشومان په خپلو ټولګیو کې په بې رحمانه ډول وژل کېږي. خلک اړ ایستل کېږي چې هغه ځمکې پرېږدي چې له پېړیو راهیسې په کې اوسېدلي دي."

پر الاقصی جومات محدودیتونه

اردوغان همدارنګه پر الاقصی جومات د لاسرسي محدودیتونه وغندل او ویې ویل چې دا جومات له دوو اونیو راهیسې د مسلمانو لمونځ کوونکو پر مخ تړل شوی دی. هغه دا کار د مذهبي حقونو سرغړونه او په یو دمګړني حساس وضعیت کې پاروونکی عمل وباله.

هغه پر زیاتېدونکي بشري زیان ټینګار وکړ او د جګړې په سیمو کې یې ملکي تلفاتو او د خلکو بې ځایه کېدو ته اشاره وکړه.

هغه وویل: "بې ګناه ماشومان په داسې حال کې په بې رحمانه ډول قتل عام کېږي چې په خپلو ښوونځیو کې په درسونو بوخت وي. خلک له هغو سیمو تېښتې ته اړ کېږي چې له پېړیو راهیسې یې په کې ژوند کړی."

تورکیه د اسرائیلو پر پوځي عملیاتو په خپلو نیوکو کې ورځ تر بلې غښتلې شوې ده او ځان یې د یوې مخکښې سیمه ییزې غږ په توګه مطرح کړی چې د جګړې د لا پراخېدو په اړه خبرداری ورکوي.