د تورکیې د بهرنیو چارو وزیر په انقره کې د حماس د ډلې د پلاوي سره لیدنه وکړه.
د تورکیې د بهرنیو چارو وزارت په وینا د بهرنیو چارو وزیر حاکان فیدان د حماس له یوې پلاوي سره چې د فلسطین مقاومت ډلې حماس د شورا رئیس محمد درویش یې مشري کوله، په انقره کې ولیدل.
په دې ناسته کې چې د چهارشنبې په ورځ ترسره شوه، د اوربند د مذاکراتو وروستي پرمختګونه او په غزه کې د بشري وضعیت په اړه خبرې وشوې.
فیدان وویل چې د تورکیې لومړیتوب دا دی چې په غزه کې وژنې ودروي او بشري مرستې ژر تر ژره ورسوي.
هغه یادونه وکړه چې په سیمه کې وروستي کړکېچونه به د غزې نسل وژنه هېره نه کړي.
فیدان ټینګار وکړ چې فلسطین یو بشپړ واحد دی چې غزه، لویدیځه غاړه او ختیځ بیت المقدس پکې شامل دي ، او ترکیه به د فلسطین د آزادۍ تر ترلاسه کولو پورې د فلسطین د قضیې ملاتړ او دفاع په کلکه توګه روان وساتي.
