اسرائیل د ایران پر اټومي تاسیساتو باندې د برید لپاره چمتووالی نیسي. دا خبره امریکا کړې ده.
د ترلاسه شوو تازه استخباراتو او عسکري حرکاتو له مخې معلومات ترلاسه شوي دي چې اسرائیل د ایران پر اټومي تاسیساتو د برید کولو لپاره چمتووالی نیسي. امریکايي چارواکیو ویلي دي چې دا کار به ټرمپ د ډیپلوماتیکو هلو ځلو نه په ښکاره توګه سرغړونه وي.
امريکا متحده ايالتونو تازه استخباراتي معلومات ترلاسه کړي چې ښيي اسرائيل د ايران د اټومي تاسيساتو پر وړاندې د پوځي بريد لپاره تياری کوي، سره له دې چې واشنګټن او تهران د ايران د اټومي پروګرام په اړه غير مستقيمې خبرې اترې روانې ساتلي دي، سي اېن اېن راپور ورکړی، چې د څو چارواکو له خولې يې دا معلومات ترلاسه کړي دي.
د راپور له مخې، چې د سه شنبې په ورځ خپور شوی، د اسرائيلي مشرتابه لخوا لا تر اوسه وروستۍ پرېکړه نه ده شوې، خو د مخابراتو د شننې او د ځواکونو د خوځښتونو څارنې ښودلې چې د احتمالي عملياتو لپاره چمتووالی په چټکۍ سره روان دی.
يوې سرچينې سي اېن اېن ته ويلي: "په وروستيو مياشتو کې د ايران د اټومي تاسيساتو پر وړاندې د اسرائيلي بريد احتمال په څرګند ډول زيات شوی دی."
سرچينې زياته کړه چې که د ټرمپ په منځګړيتوب د ايران سره داسې تړون وشي چې ټول يورانيم زېرمتونونه له منځه وانه وړي، نو دا به د اسرائيلي پوځي اقدام احتمال نور هم زيات کړي.
د راپور له مخې، امريکا د اسرائيلي پوځ ځانګړي فعاليتونه هم څارلي دي، چې په کې د هوايي مهماتو انتقال او د پراخو هوايي تمرينونو بشپړول شامل دي.
سره له دې، د ټرمپ ادارې يوه سرچينه وايي چې واشنګټن به ښايي د داسې بريد ملاتړ ونه کړي، تر څو چې ايران خپله جګړه پيل نه کړي.
د سي اېن اېن د راپور له مخې، يو لوړ پوړي لوېديځ ډيپلومات چې د دې مياشتې په لومړيو کې له ولسمشر سره ليدلي، ويلي چې ټرمپ څرګنده کړې چې امريکا به دې خبرو اترو ته يوازې څو اونۍ وخت ورکړي، مخکې له دې چې پوځي بريد ته مخه کړي. خو تر دې دمه د سپينې ماڼۍ تګلاره د ډيپلوماسۍ پر بنسټ ولاړه ده.
ولسمشر ټرمپ مخکې ايران ته خبرداری ورکړی و چې که د امريکا وړانديزونو ته ژر ځواب ورنه کړي، نو له "بدې پايلې" سره به مخ شي، که څه هم د ايران چارواکو ويلي چې دوی کوم رسمي وړانديز نه دی ترلاسه کړی.
