تمه کېږي چې د راتلونکې اونۍ له پیل څخه به په ټول هېواد کې د تودوخې یوه نوې څپه راشي.
فرانسوي حکومت خبر ورکړی چې د جون په میاشت کې د تودوخې د هغې سختې څپې پر مهال چې هېواد یې اغېزمن کړی و، په یوه اونۍ کې د تېرو کلونو د اوسط په پرتله تر ۲ زرو ډېرې "اضافي مړینې ثبت شوې دي.
د فرانسې د روغتیا وزیرې 'سټیفني ریسټ' له رسنیو سره په خبرو کې وویل، چې د جون د ۲۲مې په اونۍ کې د مړینې کچه د تېرې اونۍ په پرتله ۳۰ سلنه زیاته شوې وه.
وزیرې ریسټ څرګنده کړه چې د جون له ۲۲مې څخه تر ۲۸مې پورې، د تودوخې د سختې څپې له امله د تېرو کلونو د اوسط په پرتله ۲۰۲۵ اضافي مړینې ثبت شوې دي.
د جون په میاشت کې د تودوخې دغې څپې چې شاوخوا دوه اونۍ یې فرانسه اغېزمنه کړې وه، د ټرانسپورټ، روغتیا، ښوونې او روزنې او تولید په ګډون په ډېرو برخو کې ژوند په منفي توګه اغېزمن کړی و؛ په پلازمېنه پاریس کې یوازې د جون په ۲۶مه ۱۰۹ کسانو د تودوخې له امله خپل ژوند له لاسه ورکړی و.
اټکل کېږي چې د راتلونکې اونۍ له پیل څخه به په ټول هېواد کې د تودوخې یوه نوې څپه راشي.
