د دغه وزارت په یوه خپره شوې اعلامیه کې ویل شوي چې د روسیې پوځ د شپې له خوا د بې پیلوټه الوتکو (ډرون) په واسطه د اوکراین د بندرونو پر بنسټیزو تاسیساتو او هغو کښتیو خپلو بریدونو ته دوام ورکړی چې د اوکراین د وسله والو ځواکونو د ګټو لپاره کارول کېږي.
په اعلامیه کې راغلي دي: "یوه باري کښتۍ چې د اودیسا بندر ته یې نظامي توکي لېږدول، د حرکت پر مهال د یوه برید په ترڅ کې وویشتل شوه."
وړاندیز شوي
د یاد وزارت په یوه بله اعلامیه کې بیا د دې معلوماتو یادونه شوې چې د روسیې د هوايي مدافعې سیسټمونو پرون د ځايي وخت د ماښام له ۸:۰۰ بجو څخه د نن سهار تر ۸:۰۰ بجو پورې په بېلابېلو سیمو، په ځانګړې توګه مسکو او شاوخوا سیمو کې، د اوکراین ۵۶۰ بې پیلوټه الوتکې (ډرون) ویجاړې کړې دي.
