ټولو د ټرمپ لخوا د ممداني د سپکولو تمه کیده خو برعکس ټرمپ د ممداني ستاینه وکړه

د کمین تمه کېده، خو د ټرمپ-ممداني په خبرو اترو کې د نیویارک لپاره راتلونکی اتحاد څرګند شو

د تودې شخړې پر خلاف، د نیویارک د منتخب ښاروال زوهران ممداني او د امریکا د ولسمشر ډونالډ ټرمپ ترمنځ خبرې اترې په سپینه ماڼۍ کې په دوستانه فضا کې پرمخ لاړې، او ټرمپ پر دې ۳۴ کلن سیاسي نوي لوبغاړي ډېرې ستاینې وکړې.

کله چې زوهران ممداني د جمعې په ورخ په سپینه ماڼۍ کې حاضر شو، ډېرو اټکل وکړ چې هغه د ولسمشر کمین ته ورغلی دی. د نیویارک راتلونکی ښاروال، چې پخوا یې د امریکا په ولسمشر ډونالډ ټرمپ  تندې نیوکې تبادله کړې وې، ښايي د جنوبي افریقا ولسمشر سیرل رامافوسا او د اوکراین ولسمشر ولادیمیر زیلینسکي سره د دې کال په پیل کې په بیضوي دفتر کې شوی چلند سره مخ شي او چې د ټولو په ذهن کې پاتې ده.

د ویلو ده چې د نیویارک نوي منتخب ښاروال ممداني پخوا په کراتو  ټرمپ څخه د "فاشیست" او "ظالم واکمن" په توګه یادونه کړې وه، او جمهوري غوښتونکي مشر بیا منتخب ښاروال "۱۰۰ سلنه کمونست لېونی" بللی وو او وړاندیز یې کړی وو چې دا نیویارک مېشتی، چې په یوګانډا کې زیږېدلی دی، باید له هېواده وشړل شي.

له همدې امله د ټرمپ او ممداني پلویانو او ددې لیدنې څارونکو د یوې احتمالي کړکیچنې سرمشریزې او په لوړه کچه د رسنیو د یوې ترنګلې غونډې تمه درلوده.

خو، د ټولو برعکس ، ممداني د امریکا د مشر لخوا ستاینې ترلاسه کړې او له هغه نیوکو څخه یې ځان وساته چې تمه يي کیده. ټرمپ نه یوازې د ښاروالۍ په ټاکنو کې د هغه بریا "لویه معامله" وبلله، بلکې ژمنه یې وکړه چې د نیویارک د اوسېدونکو د ګټو لپاره به له هغه سره په ګډه کار وکړي، ممداني ته یې د "ښاغلي ښاروال" خطاب وکړ، دا یې په ډاګه کړه چې نیویارک ښار ته فدرالي بودیجه به دوام ومومي او د امریکا ترټولو لوی ښار د مشرۍ لپاره يي ممداني ته د بریالیتوب هیله وکړه.

ټرمپ په بیضوي دفتر کې خبریالانو ته په داسې حال کې وویل چې ممداني یې څنګ ته ولاړ وو: "زما ځینې نظرونه بدل شوي دي، او موږ پر ځینو شیانو بحث وکړ. زه ډېر ډاډه یم چې هغه ډېر ښه کار کولی شي. زه فکر کوم چې هغه به په حقیقت کې ځینې محافظه کار خلک حیران کړي."

ممداني، یو ۳۴ کلن د کور جوړونې مشاور او موسیقار چې سیاستوال شوی او په دې وروستیو کې یې له نامعلوم حالت څخه له چټک پرمختګ وروسته د ښاروالۍ چوکۍ ترلاسه کړه، له ولسمشر سره خپله غونډه "ډېره ګټوره" وبلله، او د "لوی مڼې" (نیویارک) لپاره یې د دوی "ګډه ستاینه او مینه" یاد کړه. دوی رسنیو ته وویل چې دوی د کورونو پر ارزانه بیو او په نیویارک کې د خوراکي توکو او اسانتیاوو پر لګښتونو خبرې وکړې.

ممداني څرګنده کړه چې ډېرو نیویارک ښاریانو چې په ۲۰۲۴ ولسمشریزو ټاکنو کې یې د ټرمپ ملاتړ کړی و "د ژوند پر لګښت د هغه تمرکز له امله،" په ښاروالۍ ټاکنو کې یې هم ده ته رایه ورکړه.

هغه ټرمپ او رسنیو ته وویل: " زه پدې ښار کې د بیو د راټیټولو لپاره ګډ کار ته سترګې په لاره یم."

ټرمپ په مکرر ډول  د ممداني نه  ملاتړ اعلان وکړ

ممداني په دې میاشت کې له پخواني والي انډریو کومو او جمهوري غوښتونکي کرټیس سلیوا ته له ماتې ورکولو وروسته د نیویارک لومړنی مسلمان او سویلي اسیايي ښاروال شو، یوه لاسته راوړنه چې ټرمپ ورته د "لویې معاملې" په توګه اعتراف وکړ، او ټینګار یې وکړ چې ممداني په ښاروالۍ سیالۍ کې "ډېرو هوښیار خلکو" ته ماتې ورکړه.

کله چې خبریالانو له ممداني څخه وغوښتل چې د هغه پخوانیو څرګندونو په اړه نظر ورکړي چې پکې یې ټرمپ "فاشیست" او "ظالم واکمن" بللی و، د امریکا مشر سمدستي مداخله وکړه او دا څرګندونې یې بې ارزښته وبللې.

ټرمپ وویل: "زه له یو ظالم واکمن څخه ډېر بد بلل شوی یم. نو، دا هومره سپکاوی نه دی. زه فکر کوم چې کله موږ یوځای کار پیل کړو، هغه به خپل نظر بدل کړي."

خبریالانو وخندل کله چې یو ځل بیا د ټرمپ په اړه د هغه د "فاشیست" څرګندونو په اړه له ممداني څخه پوښتنه وشوه، چا چې په وار وار د ممداني د ملاتړ وړاندیز وکړ.

ټرمپ مداخله وکړه او ویې ویل: "تاسو یوازې 'هو' ویلای شئ. دا له تشریح کولو څخه اسانه ده." "زه پروا نه لرم."

بیا خبریالانو ټرمپ ته مخه کړه او پوښتنه یې وکړه چې ایا هغه فکر کوي ممداني "جهادي" دی، ټرمپ ځواب ورکړ: "نه، زه داسې نه فکر کوم،" او زیاته یې کړه: "ما له یوه داسې سړي سره ولیدل چې ډېر منطقي دی. ما له یوه داسې سړي سره ولیدل چې په رښتیا غواړي نیویارک یو ځل بیا لوی شي."

ټرمپ له خپلو پخوانیو څرګندونو څخه هم شا ته شو، او څرګنده یې کړه چې هغه به نیویارک ښار ته فدرالي بودیجه بنده نه کړي، او ژمنه یې وکړه چې "زه فکر نه کوم چې دا به پېښ شي."

ټرمپ وویل: "موږ نن یوه غونډه درلوده چې په حقیقت کې زه یې حیران کړم. هغه نه غواړي جرم وویني. هغه غواړي کورونه جوړ شي. هغه غواړي کرایې راکمې شي. دا ټول هغه شیان دي چې زه ورسره موافق یم. اوس، موږ ممکن په دې اړه اختلاف ولرو چې څنګه هلته ورسېږو."

ممداني وویل: "هغه څه چې زه په ولسمشر کې واقعاً ستاینه کوم، هغه دا ده چې زموږ غونډې د اختلاف پر ځایونو تمرکز نه درلود، چې ډېر دي، او همدارنګه پر ګډ هدف تمرکز و چې موږ د نیویارک ښاریانو په خدمت کې لرو."

"په رښتیا، دا یو څه دی چې د اتو نیمو ملیونو خلکو ژوند بدلولی شي چې اوسمهال د ژوند لګښتونو له بحران څخه کړیږي."

اوکراین، فلسطین او 'بې پایه جګړې'

د رسنیو په غونډه کې د اوکراین جګړې او په غزه کې د اسرائیلو جګړې ته هم اشاره وشوه. ټرمپ په اوو میاشتو کې د اوو شخړو حل کولو یادونه وکړه، په شمول د می میاشتې د هند او پاکستان ترمنځ شخړه.

ممداني پخوا پر اسرائیلو د نسل وژنې جګړه کې د امریکا پر ښکېلتیا تور پورې کړی و. د ټرمپ تر څنګ، هغه یادونه وکړه چې د دوی د خبرو پرمهال یې دا مسله له امریکایي مشر سره شریکه کړې ده.

ممداني وویل: "ما د اسرائیلي حکومت لخوا د نسل وژنې په اړه خبرې کړې دي، او ما زموږ د حکومت لخوا د هغې د تمویل په اړه خبرې کړې دي." او زیاته یې کړه چې نیویارک ښاریان غواړي د دوی مالیه د ارزانه بیو ښه کولو لپاره ولګول شي، نه د بشري حقونو څخه د سرغړونو تمویل لپاره.

راتلونکي ښاروال خبریالانو ته یادونه وکړه چې نیویارک "د پرله پسې نهم کال لپاره له ۱۰۰,۰۰۰ څخه زیات ښوونځیو ماشومان بې کوره لري،" او زیاته یې کړه: "دلته سخته اړتیا ده، نه یوازې د بشري حقونو څخه د پیروي لپاره، بلکې د هغو ژمنو د پوره کولو لپاره چې موږ کړې دي."

ممداني وویل چې د هغه رایې ورکوونکو په بهرنیو جګړو کې د امریکا له نظامي ښکېلتیا څخه ستړیا څرګنده کړې ده، او ټینګار یې وکړ: "خلک د خپلو مالیاتو د پیسو په بې پایه جګړو کې له لګولو ستړي شوي وو. زه پدې هم باور لرم چې موږ باید د نړیوالو بشري حقونو څخه پیروي وکړو، او زه پوهیږم چې لا هم نن ورځ ترې سرغړونه کیږي."

د پخوانیو شخړو سربېره، ټرمپ او ممداني د یو ناڅاپي اتحاد هدف درلود، او د همکارۍ ژمنه یې وکړه، ټرمپ وویل چې هغه به "په بشپړ ډول" د ښاروال په توګه د ممداني تر مشرۍ لاندې په نیویارک کې ژوند کولو کې راحت احساس کړي.