د اردن او بیت المقدس لپاره  د اوانجیلیک لوتران کلیسا د اسرائیلو لخوا په غزې د محاصرې په اړه سخت غبرګون وښود او اسرائیل لخوا له لوږې څخه د وسلې په توګه کار اخیستل يي وغندل او وویل چې  اسرائیل  د فلسطینیانو نسل وژنه ګړندۍ کړې ده .

د یادې شوې کلیسا اسقف ساني ابراهیم عازر ویلي چې نړۍ په غزه کې د "ټولیزې لوږې" شاهده ده، ځکه چې د میاشتو راهیسې محاصرې په لویه پيمانه  د بشري مرستو لاسرسی بند کړی دی. "د هرو پنځو ماشومانو څخه یو د  سخت خوارځواکي سره مخ دي، او ۱۱۳ فلسطینیان، چې ۸۱ یې ماشومان دي، د لوږې له امله مړه شوي دي، یوازې په تېرو څو ورځو کې لسګونه کسان مړه شوي دي،"

هغه د یوناني ارتودوکس پاتریارک تئوفیلس درېیم او د لاتین پاتریارک کارډینال پیرباتیسټا پیزابالا د عیني شاهدانو څرګندونې یادې کړې، چې ولیدل یې چې اړینې  کورنۍ د یوې ټوټې ډوډۍ لپاره په لمر کې ساعتونه انتظار کوي.

عازر وویل چې مرستې په ګودامونو کې پرته دي، یوازې څو کیلومتره  لرې د هغو خلکو څخه چې په سخت حالت کې قرار دي.

هغه دغه بحران د "انسان جوړ شوی قحطۍ" په توګه یاد کړ چې جبران نا پذیرې کچې ته رسېدلی دی، او له حکومتونو، د دیني مشرانو او نړیوالو ادارو څخه یې غوښتنه وکړه چې چوپتیا ماته کړي او د محاصرې د پای ته رسولو، د مرستو خوندي رسولو او د سمدستي اوربند د عملي کولو لپاره اقدام وکړي.

"په کړاوونو چوپتیا د وجدان خیانت دی... موږ بې پروا پاتې کېدای نشو،"  پاتریارکانو خبرې یې تکرار کړې.

بیان د غزې د لوږو، ناروغانو او بې ځایه شویو لپاره په دعا سره پای ته رسېږي، او د عدالت غوښتنه کوي: "موږ ته نن ورځ زموږ ورځنۍ ډوډۍ راکړئ... موږ د سمدستي اوربند، د دې نسل وژنې د پای ته رسولو او زموږ په سیمه کې د عدالت غوښتنه کوو."