د ملګرو ملتونو سرمنشي انتونیو ګوتریش او د سوریې ولسمشر احمد الشرع د سوریې د سیاسي انتقال په اړه خبرې وکړې.
د ملګروملتونو د سرمنشي دفتر لخوا په خپور شوي بیان کې راغلي دي چې ګوتریش پدې لیدنه کې ټینګار وکړ چې د دې بهیر د پرمخ وړلو لپاره پراخ ګډون او ټول شموله خبرې اترې اړینې دي.
په بیان کې زیاته شوې: "سرمنشي د سوریې د حاکمیت او ځمکنۍ بشپړتیا د ملاتړ اهمیت هم په ډاګه کړ" او د ۱۹۷۴ د بېلتون تړون د سرغړونو په اړه یې اندیښنه څرګنده کړه.
سرمنشي او الشرع د ملګرو ملتونو او سوریې ترمنځ د همکارۍ د پیاوړتیا لارې چارې هم وڅیړلې او د منځني ختیځ د پرمختګونو په اړه یې نظرونه تبادله کړل.
بشار الاسد، چې د نږدې ۲۵ کلونو لپاره د سوریې مشر و، تېر ډسمبر روسیې ته وتښتېد، چې د بعث ګوند واکمني یې پای ته ورسوله، کوم چې له ۱۹۶۳ کال راهیسې په واک کې و.
د الشرع نوې انتقالي اداره په جنورۍ کې جوړه شوه. الشرع د ۱۹۶۷ کال راهیسې لومړنی سوریایي ولسمشر شو چې د ملګرو ملتونو عمومي اسامبلې ته وینا وکړه.
