د پاکستان په بلوچستان ایالت کې د سختو بارانونو له امله د دوو کورونو د چتونو د پریوتو په پایله کې ۴ کسانو خپل ژوند له لاسه ورکړی دی.
پاکستاني رسنیو د ځايي چارواکو د څرګندونو پر بنسټ راپور ورکړی، چې د بلوچستان ایالت په 'ژوب' او 'خضدار' سیمو کې د سختو بارانونو له امله د دوو کورونو چتونه راغورځېدلي دي.
په دغو دوو جلا پېښو کې د ۳ ماشومانو په ګډون ۴ کسان مړه شوي او لږترلږه ۴ نور ټپیان دي.
د ژغورنې ډلو د مړو شویو کسانو جسدونه له کنډوالو راایستلي او ټپیان یې نږدې روغتونونو ته لېږدولي دي.
