نړۍ
3 د لوستلو دقیقې
روسیې د پاکستان  او هند ترمنځه د روانې ستونزې د حل په خاطر د منځګړیتوب وړاندیز وکړ.
د روسیې د بهرنیو چارو وزارت ویلي دي د روسیې د بهرنیو چارو وزیر سرګي لاوروف د خپل پاکستاني سیال سره خبرې وکړې او د کشمیر پر سر د پاکستان او هند ترمنځ د کړکېچ د حل لپاره د روسیې د مرستې وړاندیز یې وکړ.
روسیې د پاکستان  او هند ترمنځه د روانې ستونزې د حل په خاطر د منځګړیتوب وړاندیز وکړ.
/ AP
5 می 2025

وزارت په یوه بیان کې ویلي "په ځانګړي ډول د نوي ډیلي او اسلام آباد ترمنځ د زیاتېدونکي کړکېچ پر مسئلې تمرکز شوی دی." دا بیان د یکشنبې په ورځ د لاوروف او د پاکستان د مرستیال لومړي وزیر او د بهرنیو چارو وزیر اسحاق ډار ترمنځ د خبرو په اړه خپور شوی و.

د روسیې د بهرنیو چارو وزارت د ټیلیګرام په یوه بیان کې ویلي " روسیه چمتو ده چې کشمیر کې د اپرېل په ۲۲مه د رامنځته شوې ترهګرۍ  پېښې چې له امله دواړو هیوادونو ترمنځه  جدي کړکیچ رامځته شوی  ددې ستونزې د سیاسي حل لپاره هڅې وکړي، که چېرې اسلام آباد او نوی ډیلي دواړه دې ته لیوالتیا ولري."

د لاوروف او ډار خبرې دوه ورځې وروسته له هغې وشوې چې هغه د هند د بهرنیو چارو وزیر سبراهمنیم جایشنکر سره خبرې وکړې او د دواړو ګاونډیو هېوادونو ترمنځ د اختلافاتو د حل غوښتنه یې وکړه.

د تېرې اوونۍ په برید کې، چې د کشمیر په وادي کې د پهلګام په سیمه کې د یوه سیاحتي ځای په نښه شوی و، لږ تر لږه ۲۶ کسان وژل شوي دي.

مسلمان اکثریتي کشمیر د دواړو هېوادونو له خوا ادعا کېږي او د څو جګړو، پاڅونونو او ډیپلوماتیکو کړکېچونو مرکز پاتې شوی دی.

روسیه د لسیزو راهیسې د هند تر ټولو لوی د وسلو عرضه کوونکی پاتې شوی او نوی ډیلي او مسکو له شوروي وختونو راهیسې نږدې اړیکې لري.

د پهلګام د برید وروسته، دواړو خواوو د غچ اخیستنې یو لړ اقدامات کړي دي.

هند د پاکستان سره د اوبو د شریکولو مهم تړون (د سند اوبو تړون) وځنډاوه او یوازینی فعال ځمکنی سرحدي لاره یې وتړله. همدارنګه، د پاکستاني وګړو لپاره ورکړل شوې ویزې یې د یکشنبې له ورځې څخه لغوه کړې.

پاکستان په ځواب کې د هندي وګړو لپاره ورکړل شوې ویزې لغوه کړې، خپل هوايي حریم یې د هندي الوتنو پرمخ وتاړه، له خپل ګاونډي سره یې سوداګري ودروله او د هند سره د ۱۹۷۲ کال د شملې تړون وځنډاوه. دا تړون د سولې د ټینګښت او د شخړو د دوه اړخیز حل لپاره جوړ شوی و، په ځانګړې توګه د کشمیر د شخړې په اړه.

هند او پاکستان د ۱۹۴۷ کال د خپلواکۍ راهیسې د پخواني شهزادي ریاست پر سر جګړې کړې دي، چې پوله یې د کورنیو نسلونه سره جلا کړي دي.

په هند تر ولکې لاندې سیمه کې یاغیان له ۱۹۸۹ کال راهیسې د خپلواکۍ یا له پاکستان سره د یوځای کېدو لپاره پاڅون کوي.

نوی ډیلي، چې په مسلمان اکثریتي هند تر ولکې لاندې کشمیر کې شاوخوا ۵۰۰,۰۰۰ سرتیري ځای پر ځای کړي دي.

په وروستیو اوونیو کې، د مودي حکومت په سیمه کې د مسلمانو سازمانونو، ادبیاتو او ښوونځیو پر وړاندې خپل سخت دریځ زیات کړی، چې په ټولې سیمې کې یې ګډوډي رامنځته کړې ده.

په ورته وخت کې، هند په شخړه کې د غیر کشمیریانو لپاره ۸۲,۰۰۰ د اوسېدو سندونه صادر کړي، چې د قصدي ډیموګرافیک بدلونونو په اړه اندیښنې زیاتې کړې دي.

د پهلګام د برید په تعقیب، په هند تر واک لاندې کشمیر کې له ۱,۵۰۰ څخه زیات کسان نیول شوي دي.

په همدې حال کې، راپورونه څرګندوي چې په څو هندي ښارونو کې د هندو ښي اړخو ډلو له خوا د کشمیري مسلمانانو، په ځانګړې توګه زده کوونکو، د بریدونو پېښې شوې دي.

وپلټۍ
په ایران د نجونو په ښوونځي د اسرائیل د برید له امله د مړو شمیره ۱۴۸ تنو ته لوړه شوه
ولسمشر اردوغان: پر ایران د امریکا او اسرائیل برید ښايي منځنی ختیځ د اور په حلقه بدل کړي
راپورونه: د ایران لوړپوړي دفاعي چارواکي د امریکا او اسرائیل په بریدونو کې وژل شوي
د یکشنبې په سهار د کابل په مرکز کې د یوې چاودنې او ورپسې د پرله پسې ډزو غږونه اورېدل شوي.
ایران تایید کړه چې علي خامنه‌یي او د کورنۍ غړي یې د امریکا او اسرائیل په بریدونو کې وژل شوي
اسرائیل د د ایران د دیني مشر خامنه‌یي او ولسمشر پزشکیان په ګډون د ایران لوړپوړي مشران په نښه کړل
اسرائیل پر ایران کې په یو ښوونځي برید کړی چې له امله يي لږ تر لږه ۴۰ تنه زده کوونکو ژوند د لاسه ورکړ
هاکان فیدان پر ایران د امریکا او اسرائیل له بریدونو وروسته له خپلو سیالانو سره ټیلیفوني خبرې وکړې
ټرمپ وایي امریکا په ایران کې "پراخ جنګي عملیات" پیل کړي دي
افغانستان په جلال آباد ښار کې د پاکستان د جنګي الوتکې د غورځولو ادعاء کړې ،پاکستان رد کړه
امریکا د افغانستان او پاکستان ترمنځه په نښته کې د پاکستان نه د ملاتړ اعلان وکړ
اسرائیل او امریکا پر ایران بریدونو د پیلولو سره نړۍ د شاک سره مخ ده
په امریکا کې له فلسطینیانو سره خواخوږي، د لومړي ځل لپاره له اسرائیلیانو تېره شوه
چین له افغانستان او پاکستان څخه د اوربند غوښتنه وکړه
هاکان فیدان د پاکستان ، افغانستان، قطر او سعودي عربستان د بهرنیو چارو وزیرانو سره ټیلیفوني خبرې وکړې